سابق خاتون اول بشریٰ بی بی کی قریب دوست فرح خان اور ان کے خاوند احسن جمیل گجر کے اثاثوں کے متعلق نیب کی تحقیقات جاری ہیں ،تفصیلات کے مطابق نیب کی جانب سے فرخ خان اور ان کے شوہر کے اثاثوں کی چھان بین کے لیے 100 سے زائد سرکاری اور نجی اداروں کو خط لکھے گئے تھے۔
ذرائع کے مطابق ایس ای سی پی اور ایف بی آر کی جانب سے فرح خان کے متعلق ریکارڈ نیب کو موصول ہو چکا ہے۔ نیب ذرائع کا کہناہے کہ فرح خان کے بینک اکاؤنٹس کی تفصیلات کے لیے تمام نجی بینکوں کو بھی خط لکھے گئے تھےجن میں سے زیادہ تر بینکوں کے جوابات موصول ہو چکے ہیں۔ جن بینکوں کی جانب سے ابھی رد عمل نہیں دکھایا گیا انہیں قانون کے مطابق دوبارہ خط ارسال کیے جائیں گے۔ فرح خان اور ان کے شوہر کے اثاثوں کے متعلق تفصیلات اکاؤنٹبلٹی لاءکی سیکشن19 کے تحت اکٹھی کی جا رہی ہیں ۔
یاد رہے کہ فرح خان کے وکیل کا کہنا تھا کہ 2018 سے 2022 کے درمیان فرح خان کے اثاثوں میں صرف 5 کروڑ روپے کا اضافہ ہوا ہے۔
