سیالکوٹ پولیس نے تحریک انصاف کے گرفتار رہنماؤں اور کارکنوں کو رہا کر دیا۔پولیس کے مطابق آج صبح سی ٹی آئی گراؤنڈ سے عثمان ڈار سمیت تحریک انصاف کے 10 ارکان کو کار سرکار میں مداخلت پر حراست میں لیا گیا تھا۔
واقعے کے خلاف تحریک انصاف کی جانب سے سیالکوٹ میں احتجاج کیا گیا اور قیادت کی جانب سے پولیس کو سخت تنقید کا نشانہ بنایا گیا جس کے بعد پولیس نے سی ٹی آئی گراؤنڈ سے حراست میں لیے گئے تمام ارکان کو رہا کر دیا۔
واضح رہے کہ تحریک انصاف کی جانب سے ان جلسے کا مقام بھی تبدیل کر دیا گیا ہے۔ جلسہ اب سی ٹی آئی گرا ؤنڈ کی بجائے وی آئی پی گراؤنڈ میں ہو گا۔ چیئر مین تحریک انصاف عمران خان شام 6 بجے جلسے سے خطاب کریں گے۔