آسٹریلین کرکٹر اینڈریو سائنمڈزکار حادثے میں ہلاک

لیجنڈ آسٹریلوی کرکٹراینڈریو سائمنڈز کوئنز لینڈ میں کار حادثے کے دوران ہلاک ہو گئے ۔ امریکی میڈیا کے مطابق حادثہ رات 11 بجے کے قریب پیش آیا۔46 سالہ سابق کرکٹرخود کار ڈرائیو کر رہے تھے۔ موقعے پر موجود ایک شخص نے ان کی جان بچانے کی کوشش کی لیکن وہ اسپتال پہنچنے سے قبل ہی دم توڑ گئے ۔

سائمنڈز نے آسٹریلیا کے لیے 26 ٹیسٹ میچ کھیلے اور دو سنچریاں بنائیں۔ انہوں نے آسٹریلیا کے لیے 198 ایک روزہ بین الاقوامی میچ کھیلے اور 2 ورلڈ کپ جیتنے والی ٹیم کا حصہ بھی رہے۔

آسٹریلوی کرکٹ بورڈ نےاینڈریو سائمنڈز کے انتقال کی خبر پرگہرے غم اور رنج کا اظہار کیاہے۔کرکٹ آسٹریلیا کے چیئرپرسن لچلن ہینڈرسن نے کہاکہ آسٹریلیائی کرکٹ نے اپنا ایک اور بہترین کھلاڑی کھو دیا ہے۔

انٹرنیشنل کرکٹ کونسل (آئی سی سی) نے ٹویٹر پر ان کی موت کی تصدیق کی اور کرکٹ لیجنڈ کے نقصان پر سوگ کا اظہار کیا۔

سابق پاکستانی کرکٹر شعیب اختر نے بھی ٹویٹر پر اس واقعے پر اظہار تعزیت کیا۔

اینڈریو سائمنڈز نے 1996 میں کوئینز لینڈ میں ہی اپنی پہلی ڈومیسٹک سنچری بنائی تھی ۔

جواب دیں

Please enter your comment!
Please enter your name here

81 − 72 =