افغانستا ن میں طالبان کے کنڑول سبنھالنے کے بعد بھارتی وزارت خارجہ کا وفد پہلی بار افغانستان کے دورہ پر کابل پہنچا۔
افغان وزارت خارجہ کے ترجمان عبدالقہار بلخی نے ٹوئٹر پیغام میں کہا کہ بھارتی وفد کادورہ دونوں ممالک کے درمیان تعلقات کے نئے دور کاآغاز ہے جو کہ خوش آئند عمل ہے۔
Today, IEA Acting Foreign Minister Mawlawi Amir Khan Muttaqi received Indian MEA Joint Secretary J.P. Singh & accompanying delegation.
The meeting focused on India-Afghan diplomatic relations, bilateral trade & humanitarian aid. pic.twitter.com/oIPdN1i4CE
— Abdul Qahar Balkhi (@QaharBalkhi) June 2, 2022
بھارتی وزارت خارجہ کے جوائنٹ سیکرٹری جے پی سنگھ کی قیادت میں وفد نے قابل میں افغانستان کے قائم مقام وزیر خارجہ عامر خان متقی سے ملاقات کی ۔ دونوں رہنماؤں کے درمیان خطے میں امن ، باہمی تجارت اور سفارت کاری کے فروغ کے حوالے سے بات چیت ہوئی ۔
افغان حکام کا کہنا ہے کہ وہ بھارت کے ساتھ سیاسی ،معاشی اور ثقافتی تعلقات کا فروغ چاہتےہیں ۔بھارت خطے کا ایک اہم ملک ہے جس سے پرانے تعلقات ہیں ۔افغان حکام نے ملاقات میں بھارت پر زور دیا کہ وہ جلد افغانستان میں اپنا سفارتخانہ دوبارہ کھولے اور افغان شہریوں کے لیے وزیر کااجراء بھی شروع کیا جائے ۔ملاقات میں بھارت کی جانب سے افغانستان میں التوا کے شکار ترقیاتی منصوبوں پر بھی بات چیت کی گئی ۔