عامر لیاقت کی پہلی سابقہ اہلیہ بشری ٰ اقبال نے عامر لیاقت کی مغفرت کے لیے مسجد بنوی میں کی جانے والی دعا کی وڈیو اپنے انسٹاگرام اکاؤنٹ پر شیئر کی ۔
وڈیو میں دیکھا جا سکتا ہے کہ دعا گو شخص عامر لیاقت کی وفات پر گہرے دکھ کا اظہار کرتےہوئے کہتا ہے کہ آج جمعہ کا بہت ہی مبارک دن ہے۔ میری دعا ہے کہ اللہ ان کی خواہش کے مطابق ان کی قبر جنت البقیع میں بنا دے ۔
بشری ٰ اقبال نے وڈیو کے ساتھ تحریر میں لکھا کہ میرے ایک بھائی اور عامر لیاقت کے قریبی دوست نے یہ وڈیو مدینہ منورہ سے بنا کر بجھوائی ہے۔یہ ویڈیو انہوں نے اس وقت بنا کر بجھوائی جب یہاں ان کی تدفین ہو رہی تھی ۔ انہوں نے مزید لکھا کہ اللہ پاک اس دعا کو عامر لیاقت کے حق میں قبول کرے۔
یاد رہے کہ عامر لیاقت اور بشریٰ اقبال 22 سال تک رشتہ ازدواج میں رہے۔ اداکارہ طوبیٰ انور سے شادی کے بعد بشریٰ اقبال نے 2018 میں عامر لیاقت سے علیحدگی اختیار کر لی تھی ۔ جبکہ عامر لیاقت کا ہمیشہ یہی موقف رہا کہ انہوں نے پہلی دونوں بیویوں کو طلاق نہیں دی ۔ عامر لیاقت9 جون کو انتقال کر گئے تھے۔
