بھارتی پنجاب سے تعلق رکھنے والے گلوکار سدھو موسے والا کے قتل کے بعد کی ایک ویڈیو سوشل میڈیا پر وائرل ہو رہی ہے جس کے متعلق بھارتی میڈیاکا دعویٰ ہے کہ یہ وڈیو قتل کے فوری بعد شوٹرز نے بنائی ہے۔
اس چونکا دینے والی ویڈیو میں مقبول پنجابی گلوکار سدھو موسے والا کو گولیاں مارنے والے شوٹرز کوقتل پر جشن مناتے ہوئے دیکھا گیا ہے۔
ویڈیو میں 5 افراد جو ایک گاڑی کے اندر اسلحہ لہراتے اور مسکراتے ہوئے نظر آ رہے ہیں ۔بھارتی میڈیا کے مطابق پولیس کا کہنا ہے کہ وڈیوکیس کے سب سے کم عمر ملزم 18 سالہ انکیت سرسا کے موبائل فون سے برآمد ہوئی ہے ۔
#WATCH | In a viral video, Sidhu Moose Wala's murder accused Ankit Sirsa, Priyavrat, Kapil, Sachin Bhivani, & Deepak brandished guns in a vehicle pic.twitter.com/SYBy8lgyRd
— ANI (@ANI) July 4, 2022
پولیس کا دعوی ٰ ہے کہ گینگسٹر لارنس بشنوئی کے گینگ کے رکن انکیت سرسا نے موسے والا کو قریب سے نشانہ بناتے ہوئے 6 گولیاں فائر کی تھی ۔
پولیس نے اب تک قتل میں ملوث 2 شوٹرز سمیت 5 افراد کو گرفتار کیا ہےجبکہ باقی تمام شوٹرز کی بھی نشان دہی مکمل کر لی گئی ہے۔
سدھو موسےوالا کو 29 مئی کو پنجاب کے مانسا ضلع میں قتل کیا گیا تھا۔
