اسلام آباد میں میٹرو اور اورنج لائن بس سروس کے بعد گرین اور بلیو لائن بس سروس کا بھی آغاز کر دیا گیا۔
اس حوالے سے وزیر اطلاعات مریم اورنگزیب نے ٹوئٹر پیغام میں بتایا کہ وزیر اعظم شہباز شریف بہارکاہو سے پمز (گرین لائن) اور کورال سے پمز (بلیو لائن) تک پہلی اسلام آباد بس سروس کا افتتاح کر رہے ہیں جہاں تمام گرین بلیو سروس ریڈ لائن (پنڈی اسلام آباد میٹرو) سے ضم ہو جائے گی۔
تفصیلات کے مطابق گرین لائن بس سروس بہارہ کہو سے پمز اسپتال تک 15 کلومیٹر کے روٹ پر چلے گی جہاں 8 اسٹیشنز بنائے گئے ہیں جبکہ بلیو لائن کورال سے پمز اسپتال تک 30 کلو میٹر کا سفر طے کرے گی جہاں 13 اسٹاپ بنائے گئے ہیں۔