پاکستان کرکٹ ٹیم کے سابق کپتان شاہد آفریدی کا کہنا ہے کہ ڈاکٹرز نے سرجری کا کہا ہے جس کے باعث کشمیر پریمیئر لیگ کے تمام میچز نہیں کھیل سکوں گا۔
لاہور میں میڈیا سے گفتگو کرتے ہوئے شاہد آفریدی کاکہنا تھا کہ لیگ کا دوسرا سیزن بھی پہلے کی طرح کامیاب ہو گا۔کوشش کروں گا کہ بیٹنگ میں ان فارم نظر آؤں ۔
ان کا کہنا تھا کہ پہلے کی طرح اس بار بھی لیگ میں بھر پور ایکشن نظر آئے گا،ڈرافٹنگ میں بہت زبردست کھلاڑی شامل کیے گئے ہیں جبکہ اس بار نئے کھلاڑیوں کو بھی کھیلنے کا موقع دیا گیا ہے۔