کراچی کی مقامی عدالت نے دعا زہرا کا میڈکو لیگل ٹیسٹ کرانے کے متعلق پولیس کی جانب سے دائر درخواست کو مسترد کر دیا۔
کراچی شرقی کے جوڈیشل مجسٹریٹ آفتاب احمد بھگیو نے پولیس کی جانب سے دائر درخواست پر محفوظ شدہ فیصلہ سناتے ہوئے میڈکو لیگل ٹیسٹ کرانے کی استدعا مسترد کر دی ۔
دوسری جانب تفتیشی افسر نے مقدمے کی پیش رفت رپورٹ جمع کرانے کے متعلق مہلت مانگ لی۔عدالت نے کیس کی سماعت6اگست تک ملتوی کرتے ہوئے پولیس کو اگلی سماعت پر ضمنی چالان جمع کرانے کا حکم دے دیا۔
اس کے علاوہ دعا کے شوہر ظہیر اور اس کے بڑے بھائی کی ضمانت میں بھی 17 اگست تک توسیع کر دی گئی ہے۔