آسٹریلیا کی ہاکی ٹیم نے آخری گروپ میچ میں پاکستان کو 7گول سے شکست دے دی ۔پاکستان کی قومی ہاکی ٹیم میڈلز کی دوڑ سے باہر ہو گئی ۔
برمنگھم ہاکی سینٹر میں کھیل کے آغاز میں پاکستانی کھلاڑیوں نے آسٹریلوی ٹیم کا ڈٹ کا مقابلہ کیا اور بتدائی 810منٹ کے دوران آسٹریلوی گول پوسٹ پر 3 حملے کیے لیکن ان حملوں میں کوئی بھی کامیاب نہ ہو سکا۔
آسٹریلیا کی جانب سے ب12ویں منٹ میں بلیک گروورز نے پہلاگول کیا۔ جبکہ دوسرے کوارٹر میں کھیل کے 19ویں منٹ میں آسٹریلوی ٹیم کی برتری 2 صفر ہو گئی ۔
تیسرے کوارٹر کے بعد حریف ٹیم نے پے در پے گول کرنےکے بعدبرتری 7-0 کر دی جبکہ قومی ٹیم پورے کھیل کے دوران گول بچانے کی کوشش میں ہی نظر آئی ۔
پاکستان 0-7 سے شکست کے ساتھ میڈل کی دوڑ سے باہر ہوگیا۔ پاکستان ہاکی ٹیم گروپ میں چوتھے نمبر پر رہی اور اب ٹورنامنٹ میں 7ویں پوزیشن کے لیے کینیڈا سے مقابلہ کرے گی۔
