پاکستان کی ڈائمنڈ جوبلی کے موقع پر قائداعظم محمد علی جناح کا 35 سال پہلے بنایا گیا تاریخی پورٹریٹ قومی اسمبلی ہال میں آویزاں کر دیا گیا۔
سالگرہ کے موقع پر پارلیمنٹ ہاؤس میں ثقافتی شو کا انعقاد کیا گیا، فنکاروں نے پرفارم کیا اور ملی نغمے گائے گئے۔
اسپیکر قومی اسمبلی @RPAPP نے وزیر خارجہ بلاول بھٹو زرداری اور تمام سیاسی جماعتوں کے پارلیمانی لیڈران کے ہمراہ قومی اسمبلی ہال میں نصب کیےجانے والے قائد اعظم محمد علی جناح کے پورٹریٹ کا افتتاح کیا۔@BBhuttoZardari
#Diamond_Jubilee_Celebrations pic.twitter.com/F2lXRzaL4F— National Assembly of Pakistan🇵🇰 (@NAofPakistan) August 13, 2022
جیو نیوز کے مطابق تقریب میں قائداعظم محمد علی جناح کا 35 سال پہلے بنایا گیا تاریخی پورٹریٹ بھی قومی اسمبلی ہال میں آویزاں کیا گیا۔ قائد اعظم کا پورٹریٹ بنانے والے مصور سعید اختر کو بھی خصوصی طور پر تقریب میں مدعو کیا گیا تھا۔
اس موقع پر وزیر خارجہ بلاول بھٹو اور اسپیکر راجہ پرویز اشرف کے ہمرا تمام سیاسی جماعتوں کے پارلیمانی لیڈر بھی موجود تھے۔ اس کے علاوہ ڈائمنڈ جوبلی کے موقع پر پارلیمنٹ ہاؤس میں آتش بازی بھی کی گئی۔
