جلسوں کی وجہ سےکیس میں التوا مانگنے پر عمران خان پر جرمانہ

اسلام آباد کی ایڈیشنل سیشن عدالت میں عمران خان کی جانب سے خواجہ آصف کے خلاف 10 ارب روپے ہرجانے کے کیس کی سماعت ہوئی۔جس میں خواجہ آصف کے وکیل علی شاہ گیلانی ایڈووکیٹ عدالت میں پیش ہوئے جبکہ عمران خان کے وکلا کی جانب سے سماعت ملتوی کرنے کی استدعا کرتے ہوئے مؤقف اختیار کیا گیا کہ جلسوں میں مصروفیات کے باعث عمران خان پیش نہیں ہو سکتے۔التوا مانگنے پر عدالت نے 5 ہزار روپے جرمانہ عائد کر دیااور کیس کی سماعت 24 ستمبر تک ملتوی کر دی۔