معروف گلوکارہ و اداکارہ حدیقہ کیانی نے سیلاب سے متاثر صوبہ بلوچستان کے چند گاؤں کی دوبارہ تعمیر کے عزم کا اعادہ کرتے ہوئے کہا ہے کہ وہ صوبہ سندھ اور پنجاب میں بھی فلاحی کام جاری رکھیں گی۔اداکارہ نے وسیلہ راہ کے نام سے امدادی مہم شروع کر رکھی ہے۔حدیقہ کیانی ان چند شوبز شخصیات میں سے ایک ہیں، جنہوں نے سیلاب کے فوری بعد امدادی کاموں کا آغاز کردیا تھا اور انہوں نے ‘وسلیہ راہ’ نامی امدادی مہم شروع کی تھی۔
My most recent trip to Balochistan allowed me to meet the brave people who have lost almost everything. I have now taken it as my responsibility to rebuild the villages of Rabbi, Chattar & now Tamboo. Inshallah we will rebuild stronger than before with the guidance of Allah SWT. pic.twitter.com/uYmbwGg8fL
— Hadiqa Kiani (@Hadiqa_Kiani) September 12, 2022
گلوکارہ و اداکارہ کی جانب سے بلوچستان بھجوائے گئے امدادی سامان کے بعد حال ہی میں انہوں نے خود بھی وہاں کا دورہ کیا اور وہ وہاں خواتین سے بھی ملیں۔انہوں نے بلوچستان میں سیلاب متاثرہ خواتین سے ملاقات کی ایک مختصر ویڈیو ٹوئٹر پر شیئر کرتے ہوئے بتایا کہ انہوں نے سیلاب سے تباہ ہونے والے چند گائوں کی دوبارہ تعمیر کی ذمہ داری اٹھائی ہے۔