خیبرپختونخوا کے ضلع باجوڑ میں سیکیورٹی فورسز اور دہشت گردوں کے درمیان شدید فائرنگ کا تبادلہ ہوا ہے۔
پاک فوج کے شعبہ تعلقات عامہ آئی ایس پی آر کے مطابق ہلال خیل میں ہونے والے فائرنگ کے تبادلے میں دو اہلکار شہید ہوگئے جبکہ ایک دہشت گرد انجام کو پہنچ گیا۔
آئی ایس پی آر کے مطابق ہلاک دہشتگرد سیکیورٹی فورسز کیخلاف مختلف کارروائیوں میں ملوث تھا۔ ہلاک دہشتگرد سے اسلحہ اور گولہ بارود بھی برآمد کرلیا گیا۔
ترجمان پاک فوج کے مطابق 33 سالہ شہید نائیک تاج محمد کا تعلق کوہاٹ جبکہ 30 سالہ لانس نائیک امتیاز خان ملاکنڈ کے رہائشی تھے۔
آئی ایس پی آر کے مطابق سیکیورٹی فورسز کا علاقے میں دہشتگردوں کے خاتمے کیلئے سرچ آپریشن جاری۔
