وفاق اورصوبے مل کر غیر آئینی اقدامات کو روکنے کی پیش بندی کریں، وزیر داخلہ

تحریک انصاف کے لانگ مارچ، ملکی سیاسی صورتحال اور ملکی بالخصوص راولپنڈی و اسلام آباد میں امن و امان کے حوالے سے وفاقی وزیرداخلہ رانا ثنا اللہ کی زیر صدارت اہم اجلاس ہوا، جس میں آئی جی اسلام آباد، چیف کمشنر، سیکیورٹی ایجنسیز کے نمائندے اور حکام شریک ہوئے۔

اجلاس میں شریک حکام نے وزیر داخلہ رانا ثناءاللہ کو پی ٹی آئی اجتماع اور سیکیورٹی سے متعلق بریفنگ دی۔اس موقع پر وزیرداخلہ رانا ثنااللہ کا کہنا تھا کہ سیاسی جماعت کی وفاق پرچڑھائی کا غیرقانونی اقدام روکنا صوبائی حکومتوں کی آئینی ذمہ داری ہے۔

وزیرداخلہ کا مزید کہنا تھا کہ وفاق اور اس کی اکائیاں مل کر کسی بھی غیر آئینی اقدامات کو روکنے کی پیش بندی کریں۔رانا ثنااللہ نے چیف سیکریٹریز کو ہدایت جاری کرتے ہوئے کہا کہ سرکاری ملازمین وفاقی دارالحکومت پر چڑھائی کے کسی اقدام یا منصوبے کا حصہ نہ بنیں۔

اجلاس کے شرکاء نے وزیرداخلہ کو وفاقی دارالحکومت پر ممکنہ چڑھائی کی صورت میں آئین و قانون کی مکمل پاسداری کی یقین دہانی کرائی۔

جواب دیں

Please enter your comment!
Please enter your name here

20 − = 10