مسلم لیگ ن کے رہنما میاں جاوید لطیف نے اعظم سواتی کے پاک فوج کے افسران کے خلاف نازیبا الفاظ پر ردعمل دیتے ہوئے کہا ہے کہ وقت آگیا ہے عمران خان کا زخمی ہونے کا ڈرامہ بےنقاب کیا جائے۔
نجی ٹی وی سے بات کرتے ہوئے میاں جاوید لطیف نے کہا کہ تمام اداروں کو مل کر عمران خان کو بےنقاب کرنا چاہیے، وہ پاکستان مخالف قوتوں کے آلہ کار ہیں۔
میاں جاوید لطیف کا کہنا ہے کہ ہم آئینی جدوجہد کر رہے ہیں اور آپ جتھوں کی سیاست کر رہے ہیں، عمران خان امریکا مخالف بیانیے سے پیچھے ہٹ گئے، الیکشن کا مطالبہ کرنے کا فورم اسمبلی ہے۔