عارف والا میں میچ کے دوران قومی کرکٹر حسن علی کیساتھ مقامی لوگوں نے بدتمیزی کی جس کے بعد اسٹیڈیم میں جھگڑا ہو گیا۔
قومی کرکٹر حسن علی نے پی پی ایل میں حصہ لیا جس کے لیے وہ عارف والا میچ کھیلنے گئے۔ میچ کے دوران فیلڈنگ کرتے ہوئے کراوڈ کی جانب سے ان کے ساتھ بدتمیزی کی گئی اور جملے کسے گئے۔
کراوڈ کی جانب سے انہیں ٹی ٹوئنٹی ورلڈ کپ 2021 کے سیمی فائنل میں آسٹریلیا کے بیٹسمین کے کیچ چھوڑنے کا طعنہ بھی دیا گیا۔
You gotta feel for Hasan Ali. He is out of the team but never gave any toxic statement always kept supporting the team. Once a No 1 ODI bowler and now he is facing such things in a random club game. pic.twitter.com/L2OLjVPRQd
— zayn (@ZaynMahmood5) December 4, 2022
سوشل میڈیا پر وائرل ہونے والی ویڈیو میں سنا جا سکتا ہےحسن علی کے باونڈری کے قریب آنے پر کچھ شائقین کی جانب سے آوازیں کسی گئیں اور کہا گیا کہ تم اسکواڈ میں شامل نہیں ہو، اس کے علاوہ ان سے سوال بھی کیا جاتا ہے کہ سیمی فائنل میں کیچ کیوں چھوڑا؟
Hasan Ali loses his cool as some fans pass comments on his drop catch in world cup 2021 pic.twitter.com/EmPnhn9Wav
— All About Cricket (@allaboutcric_) December 4, 2022
کراوڈ کی جانب سے ہونے والی بدتمیزی پرحسن علی بھی سیخ پا ہو گئے جس کے بعد اسٹیڈیم میں جھگڑا ہوا۔ ایک اور ویڈیو کلپ میں دیکھا جا سکتا ہے کہ جھگڑا بڑھنے پر اسٹیڈیم میں ہجوم جما ہے اور حسن علی بدتمیزی کرنے والے شخص کو مارنے کے لیے لپکتے ہیں ۔
سوشل میڈیا پر جھگڑے کی ویڈیوز وائرل ہونے پر سوشل میڈیا صارفین نے بھی حسن علی کیساتھ ہونے والے نامناسب واقعے کی مذمت کی ہے۔ صارفین کا کہنا ہے کہ ہمیں اپنے کھلاڑیوں کو عزت دینے چاہیے۔