شادی کے دن کو یاد گار بنانے کے لیے دنیا بھر کے لوگ عام طور پر تقریب کو سجاوٹ کے ذریعے یا دلہا دلہن منفرد لباس تن زیب کر کےان لمحوں کوخاص بنانے کی کوشش میں رہتے ہیں ۔
سوشل میڈیا پر ایک ویڈیو وائرل ہو رہی ہے جس میں دلہن شادی کے لباس میں اپنے بال کٹووانےسیلون پہنچ گئی ۔
وڈیو میں دیکھا جا سکتا ہے کہ دلہن کے بال کافی لمبے تھے جو کہ اس نے شانوں تک کٹوانے کے بعد کینسر کے مریضوں کے لیے عطیہ کر دئیے۔دلہن کے ساتھ اس وقت دولہے کے علاوہ تقریب میں موجود یگر لوگوں کو بھی دیکھا جا سکتا ہے جنہوں نے دلہن کو اس موقعہ پر خوب سراہا اور بال کٹوانے کے بعد دلہن کے لیے تالیاں بھی بجائیں ۔
دلہن نے ویڈیو سوشل میڈیا پر پوسٹ کرتے ہوئے لکھا کہ یہ عمل اپنی ماں کی یاد میں کیا جنہیں میں نے کینسر کی وجہ سے کھو دیا۔
دلہن نے کہا کہ ماں نے کینسر کی بیماری سے لڑتے ہوئے اپنے بال کھو دئیے تھے۔ کسی عورت کے لیے بالوں سے محروم ہونا بہت تکلیف دے عمل ہوتا ہے۔
