پاکستانی ٹی وی اور فلم اداکار فیروز خان نے ان کے خلاف ٹوئٹس اور سوشل میڈیا پر پوسٹ کرنے والے شوبز افراد کے خلاف قانونی کارروائی کا آغاز کر دیا ہے۔ انہوں نے ان اداکاروں کو قانونی نوٹس بجھواتے ہوئے 15 دن میں معافی کا مطالبہ کیا ہے۔
فیروز خا ن نے ٹوئٹر پیغام میں بتایا کہ ان تمام اداکاروں کو قانونی نوٹس بجھوا دیا ہے جنہو ں نے ان کے خلاف ٹوئٹس اور پوسٹ کیں ۔
– Defamation Legal Notice Has Been Served By My Legal Team To Those For False and Baseless Allegations.
Sincerely yours; FK
— Feroze Khan (@ferozekhaan) January 17, 2023
ان کے وکیل نے ایک پیغا م میں کہا کہ فیروز خان نے کہنے پر کئی اداکارو ں کو نوٹس بجھوائے ہیں جنہوں نے ان کے خلاف بیانات دیے۔ان کا کہنا تھا کہ 15 دن کی مہلت دی گئی ہے،جو اداکار معافی نہیں مانگے گا ان کے خلاف ہرجانے کا مقدمہ کیا جائے گا۔
فیروزخان کے وکیل کا کہنا ہے کہ ان کے موکل کے خلاف عدالت میں تشدد کا کوئی مقدمہ دائر نہیںہے اور ناہ ہی سماعت میں ہے۔
یاد رہے کہ فیروز خان کی اہلیہ علیزے نے گزشتہ برس ستمبر میں علیحدگی کے لیے داخواست دائر کی اور سوشل میڈیا پر فیروز خان پر گھریلو تشدد کے الزامات عائد کرتے ہوئے سوشل میڈیا پر تصاویر بھی اپلوڈ کی تھیں ۔