کراچی کے علاقے کورنگی میں شہری نے ہوٹل پر لوٹ مار کرنیوالے ڈاکوؤں سے اسلحہ چھین کر فائرنگ کر دی جس کے نتیجے میں 2 ڈاکو ہلاک ہو گئے۔
جیو نیوز کے مطابق کورنگی کوسٹ گارڈ چورنگی کے قریب موٹر سائیکل سوار ملزمان چائے کے ہوٹل پر بیٹھتے شہریوں سے لوٹ مار کر رہے تھے۔
کچے کے ڈاکوؤں نے ایس ایچ او سمیت 5 پولیس اہلکاروں کو یرغمال بنا لیا
پولیس کا کہنا ہے کہ اس دوران ہوٹل پر موجود ایک شہری نے ایک ڈاکو سے اسلحہ چھین کر فائرنگ کر دی جس کے نتیجے میں ایک ڈاکو موقع پر ہلاک ہوگیا، جب کہ دوسزا زخمی ہوگیا۔
ڈاکوؤں کا ایک ساتھی فرار ہونے میں کامیاب ہو گیا، پولیس کے مطابق کچھ دیر بعد زخموں کی تاب نہ لاکر دوسرا ڈاکو بھی چل بسا جب کہ فرار ہونے والے تیسرے ڈاکو کی تلاش جاری ہے۔
