سابق ممبر قومی اسمبلی و وفاقی وزیر فوادچوہدریکی اہلیہ حبہ فواد نے کہا ہے کہ جیل میں فواد کا وزن پہلے کی نسبت تھوڑا کم ہوا ہے۔
اڈیالہ جیل کے باہر میڈیا سے غیر رسمی گفتگو کرتے ہوئے فواد چوہدری کی اہلیہ حبہ فواد چودھری نے کہا کہ فوادچوہدری سے 30 منٹ تک ملاقات ہوئی ہے۔
دوران ملاقات دو پولیس اہلکار کانفرنس روم میں کھڑے رہے۔
انہوں نے کہا کہ فوادچوہدری کو الگ بیرک میں رکھا گیا ہے، وہ اڈیالہ جیل میں دیے جانے والے کھانے پر مطمئن ہیں۔
حبہ چوہدری کا مزید کہنا تھا کہ شدید سردی میں فواد چوہدری کو گرم پانی کے بجائے ٹھنڈا پانی دیا جاتا ہے۔
