چکوال کے ایک مدرسے میں اساتذہ کی جانب سے طالب علموں کیساتھ مبینہ زیادتی کا افسوس ناک واقعہ سامنے آیا ہے۔
پولیس کے مطابق متاثرہ بچے کے والد کی مدعیت میں تھانہ صدر میں اساتذہ کیخلاف مقدمہ درج کروایا گیا ہے جس میں مدعی نے بتایا کہ اسکا 12 سال کا بیٹا کافی دنوں سے پریشان تھا، پوچھنے پر بیٹے نے بتایا اسے استاد کیجانب سے جنسی زیادتی کا نشانہ بنایا گیا۔
عدالت نے 8 سالہ بچی کو جنسی زیادتی کے بعد جلانے والے ملزم کو 3 بار سزائے موت سنا دی
مقامی اسپتال نے بھی اس بات کی تصدیق کی ہے کہ بچوں کے جسم پر چھری سے نشانات بنائے گئے ہیں۔
پولیس کے مطابق بچوں کی جانب سے جن دو اساتذہ کے نام بتائے گئے ہیں ان میں سے ایک کو گرفتار کرلیا گیا ہے جبکہ دوسرے کی گرفتاری کیلئے کوششیں جاری ہیں۔
