لاہور، حکومتی اعلان کے باوجود لاہور سمیت پنجاب کے مختلف اضلاع میں شہریوں نے ماسک کے استعمال کا حکم ہوا میں اڑا دیا۔
گزشتہ روز پنجاب حکومت نے بڑھتی ہوئی سموگ سے بچاؤ کے پیش نظر لاہور سمیت پنجاب کے مختلف اضلاع میں ایک ہفتے کیلئے ماسک کا استعمال یقینی بنانے کے احکامات جاری کئے تھے۔
تحریک انصاف اور پرویز الٰہی نے محسن نقوی کی بطور نگران وزیر اعلیٰ تقرری مسترد کر دی
حکومت کی جانب سے جاری نوٹیفیکیشن کے باوجود سرکاری و نجی دفاتر، سکولز، مارکیٹس، لاری اڈوں پر شہریوں نے ماسک کا استعمال نہ کیا، ماسک پہننے کی پابندی سے اکثر شہری لاعلم نکلے۔
ضلعی انتظامیہ بھی ماسک کا استعمال یقینی بنانے میں ناکام رہی، حکومت نے احکامات تو جاری کر دیئے لیکن ماسک کی افادیت سے آگاہی کے سلسلے میں کوئی عملی اقدامات نہ کیے گئے۔
طبی ماہرین کا کہنا ہے کہ فیس ماسک پہننے کی ایک ہفتے کی حکومتی پابندی پر عمل کرکے عوام خود کو سموگ کے مضر اثرات اور دیگر کئی بیماریوں سے بچا سکتے ہیں۔
