آرمی چیف نے شاہد آفریدی کو بنگلہ دیش سے پاکستان واپس بلا لیا

کراچی (سپورٹس ڈیسک)چیف آف آرمی سٹاف جنرل راحیل شریف نے قومی کرکٹ ٹیم کے سابق کپتان شاہد آفریدی کو بنگلہ دیش سے واپس پاکستان بلا لیا ہے ۔واضح رہے کہ شاہد آفریدی بنگلہ دیش پریمیئر لیگ کھیلنے کے لیے کئی ہفتوں سے ڈھاکہ میں ہیں ۔ شاہد آفریدی آرمی چیف کی دعوت پر پاکستان آرہے ہیں جہاں وہ کراچی میں شاہد آفریدی کرکٹ گراﺅنڈ کی افتتاحی تقریب میں شریک ہو کرکچھ دنوں بعد واپس ڈھاکہ چلے جائیں گے ۔یاد رہے شاہد آفریدی کرکٹ گراﺅنڈ کا افتتاح 24نومبر کو ہو گا ۔مذکورہ کھیل کا میدان شاہد آفریدی کی کرکٹ کے لیے خدمات کے پیش نظر ان کے نام پر بنا یا جا رہا ہے ۔یہ خبر ایسے وقت میں سامنے آئی ہے جب چیف سلیکٹر انضمام الحق دو روز پہلے کہہ چکے ہیں کہ اچھی کارکردگی دکھانے پر شاہد آفریدی کو ٹیم میں شامل کیا جا سکتا ہے ۔