بالاج ٹیپو قتل کیس کی تحقیقات میں اہم پیشرفت سامنے آئی ہے، پولیس کو ملزم احسن شاہ کے موبائل سے اہم شواہد مل گئے۔
خبروں کے مطابق زیر حراست ملزم احسن شاہ کے موبائل سے وہ ویڈیوز برآمد کر لی گئیں جو اس نے بالاج کے پاس بیٹھ کر بنائیں۔
ملزم کے موبائل سے بالاج کی آڈیوز بھی ملی ہیں جس میں وہ طیفی بٹ کے خلاف بات کر رہا تھا، ملزم احسن شاہ نے یہ ساری ویڈیوز طیفی بٹ کو دی تھیں۔
ذرائع کے مطابق ڈی آئی جی آرگنائزڈ کرائم عمران کشور نے تفتیش کے بعد بالاج کو قتل کروانے کا ذمہ دار طیفی بٹ کو قرار دے دیا۔
ذرائع کے مطابق ریڈ وارنٹ کا پروسس مکمل ہوگیا، طیفی بٹ کو گرفتار کر کے پاکستان لایا جائے گا۔
پکڑے جانے والے تمام ملزمان سے تفتیش کر لی گئی ہے تانے بانے طیفی بٹ سے ہی ملتے ہیں۔
