وزیراعظم شہباز شریف نے بجٹ کے بعد کابینہ میں توسیع کا فیصلہ کرلیا ہے۔
ذرائع کے مطابق مسلم لیگ (ن) اور اتحادی جماعتوں کے سینئر سیاسی رہنماؤں کو کابینہ میں شامل کیا جائے گا۔
ذرائع کے مطابق وزیر اعظم شہباز شریف نے کابینہ میں نئے ارکان کی شمولیت کا عمل مکمل کر لیا ہے اور پیپلز پارٹی کو دوبارہ کابینہ میں شمولیت کی دعوت دے دی ہے۔
اس تناظر میں وفاقی وزیر احسن اقبال کو ایک اہم ٹاسک سونپا گیا ہے، اس وقت پیپلز پارٹی کی قیادت میں کابینہ میں شمولیت اور وزارتوں کی تعداد کے بارے میں بات چیت جاری ہے۔
ذرائع کا کہنا ہے کہ قیادت کے فیصلے کے بعد پیپلز پارٹی کی سینٹرل ایگزیکٹو کمیٹی (سی ای سی) کے اجلاس میں اس معاملے پر غور کیا جائے گا۔
وزیر اعظم شہباز شریف کی صدر سے ملاقات کے بعد وفاقی وزیر احسن اقبال نے ایکشن لیا ہے۔
احسن اقبال نے اس معاملے پر وزیراعلیٰ بلوچستان سرفراز بگٹی اور پیپلز پارٹی کے رہنما قمر زمان کائرہ سے رابطہ کیا۔
