سفید عروسی لباس پہنی دلہن اپنی شادی کے دن دل کا دورہ پڑنے سے انتقال کر گئی۔
غیر ملکی میڈیا کے مطابق یہ افسوسناک واقعہ مصر کے المنیا گورنریٹ میں واقع بنی مزار سینٹر کے چرچ میں پیش آیا۔
رپورٹس کے مطابق 20 سالہ دلہن کی شادی کی تقریب چرچ میں منعقد ہوئی، تقریب کے دوران دلہن کودل میں شدید درد محسوس ہوا تاہم شادی کی تقریب کی وجہ سے اہلخانہ دلہن کو اسپتال لیجانے سے قاصر رہے۔
اطلاعات کے مطابق شادی کے بعد دلہن کا درد بڑھ گیا اور اسے اسپتال لے جایا گیا، جہاں وہ دم توڑ گئی۔
ڈاکٹروں نے بتایا کہ لڑکی کی موت دل کا دورہ پڑنے سے ہوئی۔
تحقیقات سے معلوم ہوا کہ دلہن کی موت حادثہ ہے قتل نہیں، تاہم دلہن کی موت کے بعد خوشی کی یہ شادی دونوں خاندانوں کے لیے صدمہ بن کر رہ گئی۔
