سیئول: جنوبی کوریا میں لیتھیم بیٹری کے مینوفیکچرنگ پلانٹ میں آگ بھڑک اٹھی جس کے نتیجے میں 20 مزدور جھلس گئے۔
غیر ملکی کے مطابق یہ واقعہ جنوبی کوریا کے شہر ہواسیونگ میں واقع بیٹری بنانے والی کمپنی ایریسیل میں پیش آیا، آگ فیکٹری کے گودام میں لگی اور تیزی سے پوری فیکٹری کو اپنی لپیٹ میں لے لیا۔
پولیس نے بتایا کہ ابتدائی تحقیقات سے معلوم ہوا ہے کہ آگ لگنے کی وجہ گودام کے اندر بیٹری سیل کا دھماکہ تھا، اس گودام میں تقریباً 35000 بیٹریاں رکھی ہوئی تھیں۔
4 گھنٹے کے آپریشن کے بعد فائر فائٹرز آگ پر قابو پانے میں کامیاب ہو گئے، ریسکیو آپریشن کے دوران جلی ہوئی فیکٹری کے کھنڈرات سے 20 لاشیں نکال لی گئیں۔
اس حادثے میں تقریباً 12 زخمی ملازمین کو قریبی ہسپتال میں منتقل کردیا گیا ہے اور ان میں سے 4 کی حالت تشویشناک بتائی جاتی ہے۔
واضح رہے کہ ہلاکتوں کی تعداد میں اضافے کا حدشہ ظاہر کیا جا رہا ہے، اس واقعے کی تحقیقات کے لیے انکوائری کمیٹی تشکیل دیدی گئی ہے۔
