بجلی کے ماہانہ بھاری بلز کا مسئلہ پاکستان سمیت دنیا کے کئی ممالک میں پایا جاتا ہے جس نے لوگوں کی زندگیوں کو جہنم بنا دیا ہے۔
بھارتی شہر گروگرام کے رہائشی جسویر سنگھ نے 2 ماہ کا بجلی کا بل 45 ہزار آنے پر موم بتیاں جلانے کا اعلان کردیا ہے۔
بھارتی میڈیا رپورٹس کے مطابق جسویر سنگھ نے اپنے دو ماہ کے ادا شدہ بل کا اسکرین شاٹ سوشل میڈیا پر شیئر کیا جہاں 45000 روپے کی ادائیگی نے سوشل میڈیا صارفین کی توجہ اپنی جانب کھینچ لی ہے۔
اپنی پوسٹ میں جسویر سنگھ نے مختصر تبصرہ کرتے ہوئے لکھا، ’’بجلی کا بل ادا کر دیا، اب میں موم بتیاں جلانے کے بارے میں سوچ رہا ہوں۔‘‘
جسویر سنگھ کی پوسٹ نے سوشل میڈیا پر بحث چھیڑ دی ہے، ایک بار پوسٹ وائرل ہونے کے بعد، سوشل میڈیا صارفین نے مشورہ دیا کہ وہ شمسی توانائی کا استعمال کرکے یا آلات کو کم کرکے اپنے بجلی کے بلوں میں کمی کرسکتا ہے۔
