جماعت اسلامی نے بجٹ میں ٹیکسز کے خلاف 12 جولائی کو اسلام آباد میں دھرنا دینے کا اعلان کردیا۔
منصورہ: لاہور میں پریس کانفرنس کرتے ہوئے امیر جماعت اسلامی حافظ نعیم الرحمان نے کہا کہ ٹیکس اور بجلی کے بلوں میں سلیب سسٹم کے خلاف بھی دھرنا ہوگا۔
حافظ نعیم الرحمان نے یہ بھی کہا کہ حکومت کو ظالمانہ ٹیکس لگانے پر کوئی شرمندگی نہیں، غریب آدمی سے جینے کا حق بھی چھینا جارہا ہے۔
دوسری جانب لاہور کے علاقے ٹاون شپ میں جماعت اسلامی نے پیڑول کی قیمتوں میں مزید اضافے پر احتجاج کیا۔
نائب امیر جماعت اسلامی جنوبی لاہور احمد سلمان بلوچ نے احتجاج کی قیادت کرتے ہوئے کہا کہ ملکی تاریخ میں دیکھنے کو ملا، ایک گاڑی کے نمبر کیلئے اشرافیہ نے دس کروڑ دیے۔
