عمران خان نے جیل میں نارواسلوک کی بنیاد پر بھوک ہڑتال پر جانے کی دھمکی دیدی۔
راولپنڈی، بانی پی ٹی آئی عمران خان نے جیل میں بدسلوکی پر بھوک ہڑتال کی دھمکی دے دی۔
پی ٹی آئی ذرائع کے مطابق عمران خان نے جیل میں ناروا سلوک کے باعث بھوک ہڑتال کرنے کا فیصلہ کیا ہے، پارٹی قیادت بانی پی ٹی آئی سے مشاورت کے بعد بھوک ہڑتال کی تاریخ کا باقاعدہ اعلان کرے گی۔
پی ٹی آئی ذرائع کا کہنا ہے کہ عمران خان نے گزشتہ روز پارٹی رہنماؤں کو بلایا، بانی پی ٹی آئی جیل میں انتظار کر رہے تھے اور رہنما 3 گھنٹے تک جیل کے باہر انتظار کرتے رہے تاہم پی ٹی آئی رہنماؤں کو پھر بھی عمران خان سے ملاقات کی اجازت نہیں دی گئی۔
ذرائع کے مطابق پی ٹی آئی کے بانی نے اجلاس میں غیر موجودگی میں پارٹی رہنماؤں کو ہدایات دیں جس میں عمران خان نے پارٹی رہنماؤں کو اندرونی اختلافات کو کھلے عام کرنے سے منع کیا۔
واضح رہے کہ بانی پی ٹی آئی نے گزشتہ روز اختلافات ختم کرنے کے لیے دونوں گروپوں کو جیل طلب کیا تھا۔
