بھارتی شہر ممبئی کو شدید بارشوں کے باعث سیلابی صورتحال کا سامنا ہے۔
بھارتی شہر ممبئی میں 6 گھنٹے کے دوران 300 ملی میٹر بارش ریکارڈ کی گئی ہے کہ جس نے شہر کے نظام کو درہم برہم کردیا ہے۔
غیر ملکی میڈیا کے مطابق ممبئی میں بارش رات گئے شروع ہوئی جو صبح تک جاری رہی، شہر میں 6 گھنٹے کے دوران 300 ملی میٹر بارش ریکارڈ کی گئی ہے۔
غیر ملکی میڈیا کے مطابق سڑکوں اور ریلوے پر پانی جمع ہونے سے گاڑیوں کو نقصان پہنچا، ممبئی ایئرپورٹ پر 30 پروازیں منسوخ اور 250 سے زائد تاخیر کا شکار ہوئیں جب کہ مسلسل بارش کے باعث اسکول اور کالج بھی بند کردیے گئے۔
بھارتی محکمہ موسمیات کے مطابق ممبئی میں آنے والے گھنٹوں میں مزید تیز بارش کا امکان ہے، موجودہ صورتحال کے پیش نظر شہریوں کو گھروں کے اندر رہنے کا مشورہ دیا گیا ہے۔
