گجرات میں عزیز بھٹی شہید ہسپتال سے اغوا ہونے والی نومولود بچی کا دو روز بعد بھی کوئی سراغ نہ مل سکا۔
خاتون اقراء شہباز کے ہاں 2 روز قبل بچی پیدا ہوئی جو وارڈ سے اغوا ہو گئی۔
اہل خانہ کا کہنا ہے کہ پولیس کی جانب سے 2 روز کی مہلت مانگی گئی ہے، اگر بچی بازیاب نہ ہوئی تو عزیز بھٹی اسپتال کے باہر احتجاج کیا جائے گا۔
پولیس کے مطابق بچی کی تلاش کے لیے سی سی ٹی وی فوٹیج کی مدد لی جا رہی ہے جلد ہی ملزمہ کا سراغ لگا لیا جائے گا۔
پولیس ذرائع کا کہنا ہے کہ ملزمہ جس رکشہ میں سوار ہو کر اسپتال سے فرار ہوئی اس رکشہ ڈرائیور کو بھی حراست میں لیکر پوچھ گچھ کی جا رہی ہے۔
یاد رہے کہ عزیز بھٹی شہید اسپتال سے نومولود بچی کے اغواء کے بعد ڈی پی او مستنصر عطاء باجوہ نے نوٹس لیتے ہوئے انکوائری کمیٹی تشکیل دی تھی۔
