42خواتین کو قتل کرنے والے سیریل کلر کو حراست میں لے لیا گیا ہے۔
نیروبی، کینیا کی پولیس نے 42 خواتین کو قتل کرنے والے سیریل کلر کو گرفتار کر لیا ہے۔
پولیس نے بتایا کہ دارالحکومت نیروبی میں کچرے کے ڈھیر سے کئی لاشیں ملنے کے بعد ایک سیریل کلر کو گرفتار کر لیا گیا ہے، مشتبہ شخص کا تعلق 9 خواتین کے بہیمانہ قتل سے تھا جن کی بکھری ہوئی لاشیں ڈمپنگ سائٹ سے ملی تھیں۔
پولیس نے بتایا کہ 33 سالہ جومایسی خلیسیا نے 2022 سے اب تک اپنی بیوی سمیت 42 خواتین کو قتل کرنے کا اعتراف کیا ہے، ملزم کے گھر سے دس موبائل فون، لیپ ٹاپ، بیڈ شیٹس، شناختی کارڈ اور خواتین کے لباس سمیت اہم شواہد ملے ہیں۔
ملزم کے گھر سے ایک چاقو، جسے قتل کا ہتھیار سمجھا جارہا ہے، اور 9 دیگر تھیلے بھی برآمد ہوئے ہیں۔
کینیا کے دارالحکومت نیروبی میں ڈمپنگ سائٹ سے خواتین کی لاشیں ملنے کے بعد کافی غم و غصہ پایا جارہا ہے۔
