لاہور، پنجاب اسمبلی میں اپوزیشن لیڈر احمد خان بھچر نے چیف الیکشن کمشنر سے فوری مستعفی ہونے کا مطالبہ کر دیا ہے۔
پنجاب اسمبلی میں قائد حزب اختلاف احمد خان بھچر نے میڈیا سے گفتگو کرتے ہوئے کہا کہ اگر چیف الیکشن کمشنر نے ابھی استعفیٰ نہ دیا تو ہم سپریم جوڈیشل کونسل میں شکایت درج کرائیں گے۔
قائد حزب اختلاف احمد خان بھچر نے کہا کہ پاکستان تحریک انصاف ملک کی مقبول ترین جماعت ہے، پیپلز پارٹی اس فیصلے میں حکومت کیساتھ نہیں ہے، حکومت ایک دن پابندی اور دوسرے دن آرٹیکل 6 لگانے کا فیصلہ کرتی ہے، یہ ظلم کی رات جلد ختم ہونے والی ہے، بانی پی ٹی آئی کو زیادہ دیر اندر نہیں رکھا جا سکتا ہے۔
احمد خان بھچر نے کہا کہ ٹک ٹاکر وزیر اعلیٰ پنجاب مریم نواز کو پی ٹی آئی پر نہیں بلکہ عوام پر توجہ دینی چاہیے۔
اپوزیشن لیڈر کا مزید یہ کہنا تھا کہ وزیر اعلیٰ پنجاب مریم نواز صرف ہمارے خلاف کارروائی کر رہی ہے، ہم اس مہنگائی کیخلاف جلد سڑکوں پر آرہے ہیں اور ہماری حکمت عملی تیار ہے۔
