واشنگٹن، امریکی صدر جو بائیڈن کی جانب سے اسرائیلی وزیر اعظم سے یہ مطالبہ کیا گیا ہے کہ وہ غزہ میں جنگ بندی اور یرغمالیوں کی رہائی کے حوالے سے معاہدے کو فوراََ حتمی شکل دیں۔
غیر ملکی میڈیا کے مطابق جوبائیڈن نے یہ مطالبہ اسرائیلی وزیراعظم بنجمن نیتن یاہو سے ملاقات کے دوران کیا ہے۔
وائٹ ہاؤس سے جاری کردہ بیان میں کہا گیا ہے کہ جوبائیڈن نے اسپیس کو ختم کرنے، فوری معاہدے کو حتمی شکل دینے، یرغمالیوں کی رہائی اور غزہ تنازع کے خاتمے پر زور دیا ہے۔
امریکی نائب صدر کملا ہیرس نے بھی اسرائیلی وزیراعظم سے ملاقات کے دوران غزہ میں انسانی صورتحال پر سنگین تحفظات کا اظہار کیا ہے۔
اپنی ملاقات میں امریکی نائب وزیراعظم نے اسرائیلی وزیر اعظم پر زور دیا کہ وہ جنگ بندی کے معاہدے کیلئے مؤثر اقدامات کریں تاکہ اس سے فلسطینی شہریوں کی مشکلات میں آسانی پیدا ہوسکے۔
یاد رہے کہ غزہ میں اب تک اسرائیلی حملوں کے نتیجے میں شہداء کی مجموعی تعداد 39 ہزار سے تجاوز کرچکی ہے جبکہ 90 ہزار سے زائد فلسطینی زخمی ہوچکے ہیں۔
