پی ٹی آئی نے مخصوص نشستوں کی فہرست الیکشن کمیشن میں جمع کروا دی ہے۔
پاکستان تحریک انصاف نے قومی اسمبلی، سندھ، پنجاب اور کے پی اسمبلیوں کی بھی مخصوص نشستوں کی فہرست جمع کروادی ہے۔
پی ٹی آئی سے 67 خواتین اور 11 اقلیتی نشستوں کی فہرست الیکشن کمیشن کو جمع کروائی گئی ہے۔
پی ٹی آئی کی جانب سے صنم جاوید، عالیہ حمزہ، کنول شوذب، روبینہ شاہین، سیمابیہ طاہر کے نام بھی قومی اسمبلی کی مخصوص نشستوں کے لیے دیے گئے ہیں۔
ذرائع کا کہنا ہے کہ پی ٹی آئی کی جانب سے لال چند ملہی کانام قومی اسمبلی میں اقلیتی نشست کے لیے دیا گیا ہے جبکہ ڈاکٹر یاسمین راشد کا نام پنجاب اسمبلی کی مخصوص نشست کے لیے دیا گیا ہے۔
یاد رہے کہ 12 جولائی کو سپریم کورٹ آف پاکستان نے مخصوص نشستوں کے متعلق فیصلہ کرتے ہوئے انہیں تحریک انصاف کو دینے کا حکم دیا تھا۔
