پشاور، کالعدم ٹی ٹی پی کمانڈر خارجی نور ولی محسود اور احمد حسین عرف غٹ حاجی کی خفیہ کال پر قانونی کاروائی شروع کردی گئی ہے۔
ذرائع کے مطابق ریاستی اداروں نے نور ولی محسود اور احمد حسین کی خفیہ کال پر قانونی کارروائی شروع کرتے ہوئے کال کا فارنزک ٹیسٹ کروا لیا ہے۔
فارنزک کے مطابق خفیہ فون کال میں آواز نور ولی محسود، احمد حسین عرف غٹ حاجی کی ہے، کال میں احمد حسین کو نور ولی محسود ریاستی املاک اور اسکولوں پر حملے کرنے کا کہہ رہا تھا۔
سکیورٹی ذرائع کے مطابق نور ولی نے میر علی شمالی وزیرستان میں گرلز اسکول کو آئی ای ڈی سے اڑایا تھا، ٹانک سے تعلق رکھنے والے ٹیچر میرا جان کو بھی ٹارگٹ کلنگ کے ذریعے سے قتل کیا گیا تھا۔
سکیورٹی ذرائع کا کہنا ہے کہ دہشتگردی میں ملوث دہشتگردوں کو کسی صورت معاف نہیں کیا جائے گا۔
