سرگودھا، بے ہوشی کی حالت میں ملنے والے بھکاری کی جیب سے 5 لاکھ روپے سے زائد کی رقم برآمد ہوئی ہے۔
ریسکیو 1122 کے مطابق کال موصول ہوئی کہ خوشاب روڈ پر ایک شخص بے ہوشی کی حالت میں پڑا ہوا ہے۔
ڈی ای او مظہر شاہ کے مطابق جب ضعیف شخص کو ریسکیو کیا جارہا تھا تو اہل علاقہ نے بتایا کہ یہ شخص بھیکاری ہے اور یہاں پر بھیک مانگتا ہے۔
ریسکیو حکام کی جانب سے جب بھکاری کو ڈی ایچ کیو اسپتال منتقلی کیلئے لیجایا جارہا تھا تو اس دوران اس کی جیب سے 5 لاکھ 34 ہزار روپے کی رقم برآمد ہوئی۔
ریسکیو حکام نے بتایا کہ بھکاری کی جیب سے پاسپورٹ بھی ملا ہے کہ جس پر سعودی عرب کے ویزے بھی لگے ہوئے تھے، پاسپورٹ کے مطابق بھکاری سعودی عرب بھی کئی بار جاچکا ہے۔
حکام کے مطابق طبی امداد کے بعد ڈی ایچ کیو سے ڈسچارج کرتے ہوئے متاثرہ بھکاری کو رقم اور پاسپورٹ لوٹا دیے گئے۔
