انسداد دہشتگردی عدالت اسلام آباد کی جانب سے عمران خان اور شاہ محمود قریشی کو دہشتگردی کی دفعات کے تحت درج کیسز میں ویڈیو لنک کے ذریعے پیش کرنے کے احکامات جاری کردیے گئے ہیں۔
عمران خان، شاہ محمود قریشی اور دیگر کے خلاف تھانہ کھنہ میں دہشتگری کی دفعات کے تحت درج 2 مقدمات کے متعلق سماعت جج طاہر عباس سپرا نے کی، جس میں پی ٹی آئی وکلاء بھی عدالت پیش ہوئے۔
جج طاہر سپرا نے استفسار کیا کہ شاہ محمود قریشی سزا یافتہ قیدی ہیں، کون سی جیل میں ہیں؟ جس پر پی ٹی آئی وکیل نے جواب دیا کہ شاہ محمود قریشی سزا یافتہ نہیں،بلکہ وہ لاہور کی کوٹ لکھپت جیل میں ہیں۔
جج طاہر عباس سپرا کی جانب سے جیل سپرنٹنڈنٹ کو ہدایات جاری کی گئیں کہ ملزمان کو ویڈیو لنک کے ذریعے آئندہ سماعت پر عدالت میں پیش کیا جائے۔
انسداد دہشتگردی عدالت اسلام آباد کی جانب سے سماعت 7 ستمبر تک ملتوی کر دی گئی۔
