آئی جی پنجاب ڈاکٹر عثمان انور کی ہدایت پر شہریوں کے مسائل کے حل اور انکی دیلیز پر سہولیات کی فراہمی کیلئے ڈسٹرکٹ پولیس آفیسر جہلم ناصر محمود باجوہ، ایس پی انویسٹی گیشن جہلم محمد حسیب راجہ اور ایس ڈی پی اوز کی جانب سے نماز جمعہ کے بعد مختلف مساجد میں کھلی کچہری کا انعقاد کیا گیا، جہاں اہل علاقہ نے اپنے مسائل کے بارے میں آگاہ کیا جن پر پولیس افسران نے فوری کارروائی کرتے ہوئے موقع پر انکے حل کے احکامات جاری کئے۔
اس موقع پر ڈی پی او جہلم ناصر محمود باجوہ کا کہنا تھا کہ کھلی کچہریوں کا مقصد شہریوں کو انکی دہلیز پر انصاف کی فراہمی یقینی بنانا ہے لہٰذا شہری اپنے مسائل لیکر بلا جھجک کھلی کچہریوں میں پہنچیں
ان کا مزید کہنا تھا کہ پبلک سروس ڈلیوری کے معیار کو بہترین بنانا ہماری اولین ترجیحات میں شامل ہے لہذا شہری پولیس کی مددد کریں اور غیر قانونی سرگرمیوں میں ملوث افراد کی نشاہدہی کریں تاکہ ہمارے لئے جرائم پر قابو پانا ممکن ہو سکے۔
ڈی پی او جہلم ناصر محمود باجوہ کا مزید کہنا تھا کہ شہریوں کو فوری انصاف کی فراہم کیلئے پولیس خدمت مراکز، پولیس تحفظ مراکز، میثاق مراکز، مصالحتی کونسلز کا قیام اور تھانہ جات کی بطور اسپیشل انیشیٹیو پولیس اسٹیشن کام کر رہے ہیں جہاں پر سائلین کو 24 گھنٹے سہولیات مہیا کی جا رہی ہیں۔
