صوابی، پی ٹی آئی آج صوابی میں جلسہ کرے گی جس کے لیے صوابی شاہ منصور ٹاؤن میں انتظامات مکمل کر لیے گئے ہیں۔
آج کا جلسہ صوابی میں سہ پہر 4 بجے شروع ہوگا جسکی بنا پر اسٹیج تیار کرکے جلسہ گاہ میں لائٹیں بھی نصب کر دی گئیں ہیں، وزیر اعلیٰ خیبرپختونخوا علی امین گنڈا پور جلسے سے خطاب کریں گے۔
اس موقع پر محمود خان اچکزئی، چیئرمین پی ٹی آئی بیرسٹر گوہر، عمرایوب، اسد قیصر بھی جلسے گاہ میں تقریر کریں گے۔
دوسری جانب جلسے کی تیاریوں کا جائزہ لینے کیلئے چیئرمین پی ٹی آئی بیرسٹر گوہر اور مرکزی سیکرٹری جنرل عمر ایوب صوابی پہنچ گئے ہیں۔
سابق سپیکر اسد قیصر سے صوابی میں انکی رہائش گاہ پر اہم ملاقات ہوئی ہے، رہنما پی ٹی آئی شبلی فراز بھی ملاقات میں موجود تھے، ملاقات میں جلسے کی تیاریوں کے حوالے سے اہم مشاورت کی جائے گی۔
اسد قیصر کا کہنا ہے کہ پی ٹی آئی کا صوابی کا جلسہ تاریخی ہو گا، ملک بھر سے پی ٹی آئی کارکنان اس جلسے میں شریک ہونگے۔
