لاہور، معروف پاکستانی ٹک ٹاکر و اداکارہ جنت مرزا کے بریک اپ سے متعلق بیان پر ان کے سابق منگیتر عمر بٹ نے بھی خاموشی توڑ دی۔
حال ہی میں جنت مرزا ایک پوڈ کاسٹ میں شریک ہوئیں، جہاں ٹک ٹاکر نے مختلف موضوعات پر گفتگو کے ساتھ اپنے بریک اپ سے متعلق بھی انکشاف کردیا۔
اداکارہ نے بریک اپ سے متعلق بات کرتے ہوئے کہا کہ میں بریک اپ کیلئے تیار نہیں تھی لیکن مجھے اس بات پر خوشی ہے کہ یہ رشتہ نکاح سے پہلے ہی ختم ہو گیا، کیونکہ نکاح کے بعد زیادہ تکلیف ہونی تھی۔
جنت مرزا نے کہا کہ مجھے بریک اپ کا فیصلہ کرنے میں 2 سال لگ گئے، میں نے ان سالوں میں بہت کچھ برداشت کیا لیکن ایک وقت آیا کہ میری برداشت ختم ہوگئی۔
جنت مرزا کے سوشل میڈیا پر کلپ وائرل ہوتے ہی عمر بٹ بھی خاموش نہ رہ سکے، انہوں نے بھی اپنی خاموشی توڑ دی۔
عمر بٹ نے انسٹاگرام پر ایک سٹوری شیئر کی جس میں انہوں نے کہا کہ میرے والدین نے میری بہت اچھی پرورش کی ہے اس لیے میں کسی کے بارے میں بات نہیں کرنا چاہتا۔
