اسلام آباد، شہریوں کو عالمی معیار کی تفریحی سہولتیں فراہم کرنے کا شاندار پلان تیار کرلیا گیا ہے۔
وفاقی وزیرِ داخلہ محسن نقوی کی جانب سے پاکستان میں انٹرنیشنل معیار کا پہلا چڑیا گھر اور سفاری پارک بنانے کی منظوری دے دی گئی ہے۔
وفاقی وزیر داخلہ محسن نقوی کیجانب سے زیر صدارت سی ڈی اے ہیڈکوارٹر میں اجلاس ہوا، جس میں اسلام آباد کے شہریوں کو انٹرنیشنل لیول کی تفریحی سہولتوں کی فراہمی کے پلان پر گفتگو کی گئی۔
اعلامیے کے مطابق چیئرمین سی ڈی اے نے چڑیا گھر اور سفاری پارک کے قیام کے پراجیکٹ پر بریفنگ دی، وزیر داخلہ نے چڑیا گھر اور سفاری پارک پراجیکٹ کی اصولی منظوری دے دی۔
اعلامیے کے مطابق 200 ایکڑ پر چڑیا گھر اور سفاری پارک میں 5 ہزار جانور اور پرندے رکھے جائیں گے۔
وزیر داخلہ کا کہنا تھا کہ اکتوبر میں چڑیا گھر اور سفاری پارک کا سنگ بنیاد رکھا جائے گا۔
وفاقی وزیرداخلہ محسن نقوی کا کہنا ہے کہ چڑیا گھر اور سفاری پارک سے اسلام آباد کی سیاحت میں مزید اضافہ ہوگا۔
