معروف گلوکار علی ظفر نے اولمپکس میں تاریخی فتح پر قومی ایتھلیٹ ارشد ندیم کو 10 لاکھ روپے انعام دینے کا اعلان کر دیا ہے۔
معروف گلوکار علی ظفر نے اولمپکس میں تاریخی فتح اور پاکستان کیلئے گولڈ میڈل جیتنے پر قومی ایتھلیٹ ارشد ندیم کو 10 لاکھ روپے انعام دینے کا اعلان کر دیا گیا ہے۔
تفصیلات کے مطابق معروف گلوکار علی ظفر نے قومی ایتھلیٹ ارشد ندیم کو مبارکباد دیتے ہوئے لکھا کہ میں علی زی فاؤنڈیشن کی جانب سے ان کے لیے ایک ملین کے انعام کا اعلان کرتا ہوں۔
زیر تعمیر نئے اسپورٹس اسٹیڈیم کوبھی قومی ہیرو ارشد ندیم کے نام سے منسوب کرنے کا اعلان بھی کردیا گیا ہے اور انہیں سونے کا تاج بھی پہنایا جائے گا۔
علی ظفر کا کہنا ہے کہ آئیے اپنے ہیروز کی کامیابی کا وہ جشن مناتے ہیں، جس کے وہ مستحق ہیں۔
معروف گلوکار علی ظفر نے حکومتِ پاکستان سے درخواست کرتے ہوئے یہ کہا کہ پاکستان ان کا ہیرو کی طرح استقبال کریں اور ان کے نام پر اسپورٹس اکیڈمی قائم کریں۔
گلوکار علی ظفر نے اپنے پیغام میں کہا کہ اگر ہمارے اتھلیٹس اور کھلاڑیوں کو وہ سپورٹ ملنا شروع ہو جائے تو پاکستانی 1 سال میں 10 گولڈ میڈل جیت سکتے ہیں۔
