کے ٹو پر زخمی ہونیوالے پاکستانی کوہ پیما مراد سد پارہ جان کی بازی ہار گئے۔
الپائن کلب کے نائب صدر ایاز شگری کی جانب سے مراد سد پارہ کی موت کی تصدیق کردی گئی ہے، سکردو میں مراد سد پارہ 8 ہزار 47 میٹر بلند چوٹی براڈ پیک کی مہم جوئی کے دوران زخمی ہوئے تھے۔
پاک فوج کی جانب سے 4 ماہر کوہ پیماؤں کو بیس کیمپ پہنچایا گیا، پاک آرمی کے تعاون سے ہونیوالے ریسکیو آپریشن میں 6 ریسکیو اہلکار اور کوہ پیما شامل تھے۔
کوہ پیما کی جانب سے کے ٹو کی بلندی سے گزشتہ سال جاں بحق ہونے والے حسن شگری کی میت کو بھی اتارا گیا تھا۔
محمد مراد سدپارہ رواں سال کے ٹو کلین اپ ایکسپڈیشن کی بھی قیادت کر رہے تھے، محمد مراد سدپارہ کے ٹو سمیت 4 پہاڑ سر کر چکے ہیں۔
