وفاقی وزیر احسن اقبال کا کہنا تھا کہ نوجوانوں کو چاہیے کہ ملکی ترقی میں کردار ادا کریں۔
اسلام آباد، وفاقی وزیر احسن اقبال کا کہنا ہے کہ نوجوانوں سے کہوں گا کہ وہ جھوٹی خبروں پر بالکل توجہ نہ دیں۔
وفاقی وزیر احسن اقبال کا تقریب سے خطاب کرتے ہوئے یہ کہنا تھا کہ آج نوجوانوں کا عالمی دن منایا جارہا ہے، پاکستان ہمارے آباؤ اجداد کی قربانیوں کے نتیجے میں معرض وجود میں آیا ہے، پاکستان میں ٹیلنٹ کی کمی نہیں ہے، دنیا کے بہت سے ممالک ہم سے پیچھے تھے لیکن اب آگے نکل گئے۔
احسن اقبال کا یہ کہنا تھا کہ پاکستانی قوم محنتی، ذہین اور ایماندار ہے، نوجوانوں کو چاہیے کہ ملک کی ترقی کے لئے مثبت کردار ادا کریں۔
دوسری جانب وزیراعظم کے مشیر برائے سیاسی امور رانا ثناء اللّٰہ کا کہنا ہے کہ فیڈریشن اور بورڈ میں لوگ آرام کررہے ہیں، انہیں کام سے کوئی غرض نہیں۔
مشیر وزیراعظم پاکستان رانا ثناء اللہ نے بغیر نام لیے بورڈ اور فیڈریشن کے لوگوں پر تنقید کرتے ہوئے کہا کہ جب لوگ ہر جگہ سے فارغ ہو جاتے ہیں تو بورڈ اور فیڈریشنز میں بٹھا دیے جاتے ہیں اور وہاں پر وہ آرام فرما رہے ہوتے ہیں۔
