سینیٹر فیصل واوڈا کا یہ کہنا تھا کہ جنرل (ر) فیض حمید اور پی ٹی آئی ایک ہی سکے کے 2 رخ ہیں۔
سینیٹر فیصل واوڈا کا جنرل (ر) فیض حمید کیخلاف کورٹ مارشل کا عمل شروع ہونے پر ردعمل دیتے ہوئے یہ کہنا تھا کہ فیض حمید اور پی ٹی آئی ایک ہی سکے کے 2 رخ ہیں، یہ ابھی شروعات ہے معاملہ بہت دور تک جائے گا۔
نجی ٹی وی سے گفتگو کرتے ہوئے سینیٹر فیصل واوڈا نے کہا کہ معاملہ بہت دور تک جائےگا، ابھی تو آغاز ہے، ابھی بہت بڑے بت گرنے ہیں۔
سینیٹر کا یہ کہنا تھا کہ یہ بات اب صرف کرپشن تک نہیں رہے گی، پی ٹی آئی کی ٹاپ لیڈر شپ بھی اس کا حصہ ہے، فیض آباد دھرنا کیس تو بہت چھوٹا کیس ہے، آنیوالے دنوں میں پی ٹی آئی لیٹ جائے گی۔
فیصل واوڈا کا یہ کہنا تھا کہ پاکستان کے لیے زبردست فیصلہ ہوا ہے، جو بھی ملک کی ساکھ کو نقصان پہنچائے گا اس کا احتساب ہوگا، فیض حمید اور تحریک انصاف ایک ہی نام ہے۔
سینیٹر فیصل واوڈا کا مزید یہ کہنا تھا کہ پاکستان اب حقیقی طور پر ترقی کی طرف گامزن ہے، ہم سب کا یہی طریقہ ہونا چاہیے کہ سیاست کریں اور اداروں کو ان کا کام کرنے دیں، اب ملک پاکستان میں احتساب کا عمل نظر آئے گا۔
