یوم آزادی پر ون ویلنگ کرنے والوں کے خلاف کارروائی کرنے کا اعلان کر دیا گیا ہے۔
لاہور میں یوم آزادی پر ون ویلنگ اور بغیر سائلنسر موٹرسائیکل چلانے والوں کیخلاف مقدمات درج ہوں گے، ٹریفک ریسپانس یونٹ کو ٹاسک سونپ دیا گیا۔
سی ٹی او عمارہ اطہر نے سماء کے نمائندے جہانگیر خان سے گفتگو کرتے ہوئے کہا یوم آزادی کا جشن، قوانین کی پاسداری ہرصورت ہوگی، ٹریفک ریسپانس یونٹ ون ویلنگ کرنیوالوں کیخلاف ایکشن میں ہوگا۔
چیف ٹریفک آفیسر نے مزید کہا پچاس موٹرسائیکلوں پر سوار وارڈنز شہر بھر میں پٹرولنگ کریں گے، ون ویلنگ اور بغیر سائلنسر موٹرسائیکل چلانے والوں کو گرفتار کیا جائیگا۔
