پاکستان کی سینئر اداکارہ ریشم، خلیل الرحمان قمر پر ایک بار پھر پھٹ پڑیں۔
خلیل الرحمان قمر کے بیان پر اداکارہ ریشم نے ایک بار پھر ناراضگی کا اظہار کرتے ہوئے کہا کہ نعمان اعجاز اتنی محنت کرتے ہیں ان جیسا اداکار پورے پاکستان میں نہیں۔
View this post on Instagram
ان کا کہنا تھا کہ خلیل الرحمان کو یہ حق کس نے دیا کہ وہ نعمان اعجاز کیلئے ایسے الفاظ کہیں؟ خلیل الرحمان نے ماہرہ خان کیلئے کیا کچھ نہیں کہا، انہوں نے کس اداکار کیلئے نہیں کہا؟
ریشم نے برہمی کا اظہار کرتے ہوئے کہا کہ خلیل الرحمان کی کئی ویڈیوز دیکھیں، ایک اچھے رائٹر کو یہ زیب نہیں دیتا لیکن خلیل الرحمان میں اتنا تکبر اور اتنی حقارت ہے کہ وہ اپنے منہ کی کھا رہے ہیں۔
اداکارہ کا کہنا تھا کہ آپ نے جو بھی کرنا ہے اپنے گھر میں کریں یوٹیوب پر آکر اپنا مذاق نہ اڑوائیں ایسے لوگ برباد ہوجاتے ہیں، خلیل الرحمان ہر وقت عورت کو ٹارگٹ کیوں کرتے ہیں۔
